retail-store.jpg

Retail 2020 – реангажирање на купувачите преку постојана иновација

Последните неколку години беа револуционерни во начинот на кој одиме во шопинг. Без време, но со пари, под стрес но социјално свесни, консументите стануваат сè понезадоволни со „мејнстрим“ малопродажното искуство и употребуваат многу поголем дијапазон на малопродажни компании од претходно.

Заморени се од шопинг во досадни и идентични трговски центри каде што корпоративните синџири доминираат и наместо тоа бараат поексцентрично искуство или лична услуга со којашто се идентификуваат. Повеќе не се толку лојални како што беа некогаш, и затоа малопродажните компании треба да се борат посилно за нивното внимание и да се осигурат дека нивните производи се истакнуваат на полиците.

Згора на тоа, неверојатниот раст во е-трговијата ги тргна купувачите од продавниците изградени од цигли и бетон и направи да го фаворизираат концептот „кликни и земи“ како и доставата до дома, такашто малопродажните компании требаше да почнат да размислуваат на поголеми стази за да ги привлечат муштериите да излезат од дома за да купуваат.

Момент на купување од една секунда

Третина од консументите во скорешниот извештај на DS Smith / Mintel за „Разбирањето на трендовите на европските купувачи“ рекоа дека се под поголем стрес во споредба со истото време минатата година, коешто резултира со донесување на поизбрзани одлуки за купување.

Истражувањето покажа дека педесет и девет проценти од одлуките околу купувањето се прават во продавницата, каде што брендовите имаат помалку од една секунда да ги убедат купувачите да го купат нивниот производ наместо на конкуренцијата.

Како одговор на овој тренд се појавија голем број на иновативни решенија за амбалажите. На пример, Амбалажа подготвена за малопродажба (RRP) е сега позната глетка во голем број супермаркети, каде што малопродажното искуство е трансформирано. RRP овозможува производот да биде доставен до трговецот како стока подготвена за продажба. Производите коишто доаѓаат во RRP лесно се поставуваат на полиците без да мора да се отпакуваат или препакуваат. Добрите RRP резултираат со повеќе залиха и поголема палета на рафтот, подобра видливост на производот и полесна навигација на купувачите што немаат многу време.

 

Испитувањата покажаа дека продажбите на производи што постојано се презентирани на предниот дел од полицата може да бидат зголемени до 20 проценти, каде што просечниот раст е шест до осум проценти. Освен тоа, ефективното RRP заштедува време и пари во контекст на времето потрошено за повторно снабдување со стока како и го поддржува вистинскиот изглед и чувството за производот или брендот.

Производството на RRP се очекува да достигне $63,4 милијарди и 32,1 милиони тони до 2017 каде што Европа ќе биде најголемиот добавувач за глобалната побарувачка за RRP. RRP станува сè повеќе софистициран концепт којшто се очекува да продолжи како што експертите за амбалажа продолжуваат да работат заедно со маркетиншките оддели за да произлезат со нови идеи како би можеле да постигнат поголеми продажби, да постигнат разликување на производите, да го подобрат позиционирањето на брендот, да прават промоции во продавницата и со амблажажата, како и да создадат визуелен расцеп во категоријата на производи.

Понатамошната еволуција на RRP којашто DS Smith ја предводи е SalesFront. Тоа е систем на амбалажа којшто ги носи производите на предниот дел од полицата со тоа што вклучува специјално создаден појас во малопродажна брановидна амбалажа, којшто ги придвижува содржините понапред како што се продаваат производите. Очекуваме до 2020 ова решение за амбалажа да се рашири низ Европа, со што ќе им се помогне на малопродажните компании да го подобрат шопинг искуството за сите и да извадат што е можно повеќе од моментот на купување од само една секунда.

Активирање на изморените консументи

Доколку се водиме според моменталниот тренд, купувачите во 2020 година ќе искусуваат персонализираност во секој поглед. Ерата „еден калап за сите“ се чини дека изминува, а консументот бара нешто повеќе лично околу производот. Третина од купувачите под 25 години велат дека персонализираната амбалажа им се допаѓа, а четвртина од тие родени по 2000 година веруваат дека брендовите што нудат решенија скроени по мерка влијаат врз нивните одлуки за купување. Персонализираната амбалажа и таа скроена по мерка е одличен начин за ангажирање на консументите што не се лојални на брендовите, или да се активираат тие што веќе се запознаени со брендот, коешто ќе биде битна алатка за малопродажните компании во иднина.

Можноста за трансформација понудена со дигиталното печатење е зграпчена од многу малопродажни компании, сопственици на брендови и нивните добавувачи за амбалажа. Дигиталното печатење, коешто стана најпознато преку глобалната кампања на Coca-Cola наречена „Сподели Coca-Cola“, сега се чини дека е вообичаено за примарната амбалажа.

 

Сепак, до 2020 дигиталната револуција ќе премине во областа на секундарната амбалажа. Технологијата, којашто со години ја задеваше индустријата, стана комерцијално остварлива и ги оживеа овие можности. Ќе им се овозможи на малопродажните компании да ставаат пораки на одредени теми соодветни за секој регион, на групи RRP или да промовираат активност околу одреден датум. На пример, наскоро може ќе видиме графички дизајни и пораки на производи со секундарна амбалажа во специфични области каде што се базирани фудбалски тимови околу времето на одигрување на битни натпревари. Со ова драматично ќе се подобри начинот на кој брендовите може да ги пакуваат и презентираат нивните производи на полиците – во тој клучен момент на носење одлука – и да го реализираат вистинскиот потенцијал на RRP.

Таргетирање на трансументи

67 проценти од светската популација ќе живее во градови до 2050 што ќе резултира со луѓе што живеат во густо населени средини каде што ќе биде потребен добар изглед на производи што штедат на простор. Освен тоа, консументите ќе трошат сè повеќе време да патуваат за шопинг, а итрите рекламирачи ќе заработуваат од тоа. Кога беа прашани од Mintel, 35 проценти од анкетираните рекоа дека пешачат и возат велосипед кога можат.

За да ги таргетира овие таканаречени „трансументи“, McDonald’s, на пример, се обидува со амбалажа во Шведска настроена кон тие што возат велосипед. Амбалажата содржи целосен оброк којшто може да се фиксира на рачките на речиси секој велосипед. На сличен начин, многу брендови експериментираат со пригодни форми како што се единечни кеисчни и минијатурни големини како алтернативен начин на таргетирање на консументите што се постојано на нога и притиснати од нивниот животен стил. Ова ќе станува сè повообичаено до 2020.

Целење кон пензионерите

На крајот, малопродажните компании ќе треба да се адаптираат на Европската популација што е во години - во моментот 55 проценти од консументите на возраст меѓу 55-65 години и 63 проценти од тие над 65 години веруваат дека лесното отварање на производот е важен фактор за амбалажата, коешто покажува колку ќе биде критично за трговците од иднината да ги разбираат постарите консументи и да целат кон таа лукративност. Поради тоа, во DS Smith постои посветеност кон обидот за нова амбалажа за муштерии од различна возраст за да се провери дали тоа ќе биде пристапно и користено од сите.

Истражувањата покажуваат дека консументите на иднината ќе имаат поголеми очекувања, сè повеќе ќе бараат функционални како и естетски привлечна амбалажа. Ќе бидат поетички настроени, ќе се грижат дали амбалажата е направена од рециклирани материјал и каде е направена. Според тоа, ќе биде критично малопродажните компании да се осигурат дека нивната секундарна амбалажа е подредена со нивните вредности за брендот, и дека муштериите се информирани за нивните одржливи вредности.

Традиционалните форми на шопинг се под ризик на многу начини, но иновативните решенија за амбалажа ја држат тајната во поврзувањето со купувачите на иднината. Ќе биде од голема важност малопродажните компании и рекламирачите да работат заедно со експертите за амбалажа за да се осигурат дека примарната и секундарната амбалажа претставува новитет, е привлечна и функционална околку колку што дозволува технологијата. Иднината е надежна за малопродажните компании коишто не земаат ништо здраво за готово, туку се посветени на постојано иновирање и адаптирање кон муштериите од иднината коишто ќе бидат посвесни за сè.