DS Smith си изгради цврста иднина со Bat’Ipac

Заедно со специјалистот за изолација од брановиден картон Bat’Ipac, DS Smith во Франција ги преточи картонските куќи во реалност.

По десетгодишно партнерство со Bat’Ipac, DS Smith го поддржа развојот на повеќе од тринаесет нови домови во Франција со тоа што обезбедуваше брановидни картони за да се направи основа за иновативна нова замена за вообичаените производи за изолација.

Bat’Ipac беше создаден преку бројни партнерства; специјалистот за амбалажа DS Smith го обезбедува потребниот материјал за картонска изолација и Arcobat Group, бизнис за градење куќи во Франција, кој се погрижи Bat’Ipac да ја добие потребната дозвола за градење на куќите.

Дизајнерот и основач на Bat’Ipac, г. Ален Марбеф (Alain Marboeuf), ја увиде празнината на пазарот за користење брановидни наместо традиционални производи за изолација при изградбата на нови куќи. 

По седум години усовршување на производот и обезбедувањето на неопходното осигурување, Bat’Ipac, во соработка со DS Smith, ја заврши првата тестна куќа западно од Париз во 2012 година. Оттогаш, заедно како партнери, успеаја да изградат уште тринаесет куќи ширум Франција.

Г. Ален Марбеф, дизајнер и основач на Bat’Ipac, истакна: „Една од главните придобивки при користењето брановидна изолација е дека се обезбедува изолација за куќата во сите сезони. И додека нормалната изолација ја одржува куќата топла во зима, често не овозможува да биде куќата ладна во летните месеци.

Брановидната изолација се докажа дека може да ја одржува куќата ладна во лето и топла во зима, а со тоа се покажа како многу сестран и ефикасен производ.

 „Покрај тоа, со поставувањето брановидна изолација во повеќе слоеви откривме дека материјалот нуди исклучителна звучна изолација, што е пак друга голема придобивка за градителите на куќи и сопствениците на домовите.“

Плановите за брза експанзија на Bat’Ipac’s вклучуваат изградба на 100 куќи во следните 12 месеци. DS Smith е совршениот партнер за поддршка на оваа експанзија заради мрежата од погони ширум Франција и Европа.

Жан-Мишел Одивер (Jean-Michel Audivert), комерцијален директор на DS Smith во Франција, кажа: „Беше одлична прилика да работиме со Bat’Ipac и со нетрпение очекуваме што ќе донесе иднината. Има огромен потенцијал за DS Smith на овој пазар, а со тоа што Bat’Ipac е една од малкуте компании што работат во оваа област, постои реален обем за раст.

Има голем број придобивки од користењето брановидна изолација, како што е звучната изолација и структурна поддршка, но и квалитетот на брановидниот материјал што го користиме е пресуден за успехот на изолацијата. Постигнавме многу за десет години и мислам дека следните десет ќе бидат исто толку возбудливи и за DS Smith и за Bat’Ipac.